રવિવાર

રવિવાર નમસ્કાર, આજે આપણે સપ્તાહ ના રવિવાર વિશે વાત કરીશું. રવિવાર એટલે આરામ નો દિવસ, આ દિવસ સંસાર ચક્ર માંથી મુક્તિ નો દિવસ. રવિવારે આખા અઠવાડિયા ની યાંત્રિક્તા માંથી નિરાંત નો શ્વાસ લેવાનો હોય છે. અઠવાડિયા ના બીજા દિવસો કરતા રવિવાર નું મહત્વ વધારે છે. કેટલાય લોકો રવિવાર ની આતુરતા પૂર્વક રાહ જોતા હોય છે. રવિવાર માટે અગાઉ થી આયોજન થઈ જતાં હોય છે. ઘણીવાર લગ્ન પ્રસંગ નુ આયોજન પણ શનિ -રવિ મા થતું હોય છે. અરે ! ક્યારેક તો બે થી ત્રણ રવિવાર બૂક થઈ જતા હોય છે. નોકરિયાત પતિ -પત્નિ માટે તો રવિવાર એટલે કે જાણે ઈશ્વર નો વાર. કારણ કે, રવિવારે પોતના કુટુંબ સાથે હળવાં -મળવાનો સમય મળે છે. બાળકોની વ્યવસ્થિત ખબર -અંતર પૂછાય છે. એટલે જ એક કવિએ સુંદર લખ્યું છે કે, "જીંદગી છે અઘરી પણ, છેવટે ટેવાઈ જવાય છે... શનિવાર અને સોમવાર ની વચ્ચે થોડું જીવાય જાય છે." ખરેખર, રવિવાર ને લીધે શનિવાર નું મહત્વ વધી જાય છે. કોલેજ ના યુવકો અને યુવતીઓ શનિવારે રાત્રિ ના મોડે સુધી ઉજાગરા કરીને પાર્ટીઓમાં ડિસ્કો અને જલસા કરીને, બીજાં દિવસે રવિવારે સવારે મોડે સુધી સૂતાં રહીને.....રવિવાર ની મજા માણતા હોય છે. મોટા ભાગે દરેક શહેર અને ગામમાં રવિવારે વેપારી લોકો પણ વેપાર ધંધા અને દુકાનો બંધ રાખતાં હોવાથી, તેઓ પણ રવિવારે સવારે પથારી નો આનંદ માણે છે. લોકો શનિવારના રાત્રિના અગાઉના બાકી કામ કાઢીને પુરાં કરતાં હોય છે, કારણ કે, બીજાં દિવસે સવારે રવિવાર નું પીઠબળ હોય છે.જે વિદ્યાર્થીઓને સવારની શાળા હોય, તેને તો રવિવાર....ઘી -ગોળના ગાડા જેવો લાગે છે. કારણકે, ત્યારે મોડે સુધી સુવાય છે. આટલું ઓછું પડતું હોય તેમ એક ફિલ્મ નું તો ગીત પણ બની ગયું -"હપ્તે મે ચાર શનિવાર હોને ચાહિએ........." આમ, રંગીલો રવિવાર સૌને પ્રિય છે. વિદેશ માં તો ટુરીસ્ટ કંપનીઓ વીકેન્ડ પર જુદી -જુદી સ્કીમ જાહેર કરીને ટૂર નું આયોજન કરે છે. અને લોકો ને રમણીય સ્થાનો પર ફેરવીને ઉત્સાહ થી ભરી દે છે. વિવિધ ટીવી ચેનલો તો ખાસ રવિવાર ને અનુલક્ષી ને ફિલ્મો અને કાર્યક્રમો બતાવે છે. કાર્યક્રમ લોકપ્રિય બને એટલા માટે તેનુ પ્રસારણ ખાસ રવિવારે જ કરવામા આવે છે.આવતાં રવિવારે શું -શું બતાવવાનું છે તેની જાહેરાત આખું અઠવાડિયું કરવામાં આવે છે. રામાયણ અને મહાભારત જેવી સૂપર હિટ સીરીયલો રવિવારે જ પ્રસારિત કરવામા આવતી. તહેવારો, વેકેશન અને પ્રસંગો અમુક સમયે જ આવે છે. જ્યારે રવિવાર તો દર અઠવાડિએ આવે છે. એવા સુંદર રવિવાર ની આપ સૌને સુંદર શુભકામનાઓ સાથે "શુભ રવિવાર".....!

vakratal ane samtal sapati

vakratal ane samtal sapati

 ફાચરિયા પ્રા શાળા માં ગીર ગાય નું  અવલોકન કરતા કરતાં બાળકો બાળકો.

RAM RAKHE TENE KON CHKHE

ઘણી વાર આપણને થાય કે આ ભગવાન પણ કમાલ કરે છે. 

     બે ત્રણ દિવસ પહેલા અમારે ગામડે જવાનું થયું. ગરમી  ના  દિવસો   હતા. સબંધી  ની વાડી એ જવાનું નક્કી કર્યું. બધા ત્યાં પહોચ્યા. ભજીયા નો પ્રોગ્રામ  હતો. જમીને બધા વાડી ની કુંડી માં નાહ્યા. ગરમી નાં દિવસો માં નાહવા થી ઠંડક મળી. 

    પરંતુ મેં જોયું કે ઉનાળા ના આ દિવસો માં કેટલાયે મજુરો અને તેની પત્ની તથા બાળકો ઘઉં નાં ઓપ્નેર માં

ઘઉં કાઢવા નું  કામ કરી રહ્યા હતા. ધોમ ધખતા આ તાપ માં તેના બાળકો પણ મદદ કરાવતા હતા. બીજા બાળકો તેના ભાઈ બહેન ને રમાડતા હતા.કોઈ એ સાચું જ કહું છે કે રામ રાખે તેને કોણ ચાખે ? મેં જોયું કે આ બાળકો એ પગ માં ચપ્પલ પણ પહેર્યા ના હતા અને ખુલ્લા પગે રમતા હતા...............!

        જયારે આપના બાળકો તો જરાક આમથ તડકા માં નીકળે કે તરત જ  ગરમી લાગી જાય છે અને તાવ આવે અથવા ઝાડા ઉલટી થાઈ જાય છે.તરત જ દવાખાને દોડવું પડે છે.................!

        મજુર લોકો ને તો વાડી માંજ રહેવાનું હોય છે. જમીન પથારી અને આકાશ ઓઢવાનું. જીવ-જંતુ , સાપ કે જંગલ ના પ્રાણી ઓથી પણ સલામતી નહિ. .............!

        જયારે આપને તો ઘરે પણ તાળા મારી ને સુએ  છીએ..............!     

HOLI

આમતો અમારી  આંબરડી પ્રા. શાળા માં  હોલી નો તેહવાર ઘણા  સમય  થી ઉજવાય છે. પરંતુ આ વખત નો
હોલી નો તહેવાર બધા ને માટે યાદગાર બની રહેશે. કારણકે ધોરણ ૫ ની એક છોકરી ની કાનની સોના  ની
બુટ્ટી હોલી  રમતા રમતા મેદાન માં ક્યાંક પડી ગયી...................!  કરવું શું?  બધા મુંજાયા ............તુરંત હારબંધ મેદાન માં બધા ગોઠવાઈ ગયા. નીચે બેસી ને બધા બુટ્ટી શોધવા લાગ્યા. અને થોડી જ વાર માં બુટ્ટી મળી ગયી.....! બધા ના AANAND નો પાર ના રહ્યો...........!  કેવી યાદગાર હોલી...................! 

 

AAYOJAN

આજના  ગુડ ફ્રાઇડે ના શુભ દિવસે ફરીથી લખવાનું શરુ કરીને મારી જાતની આળસ ઉડાડી છે. આજે થોડું આયોજન વિષે લખવાનું મન થયું છે.

            હું જયારે ઓઈલ પેઈન્ટ પર બોર્ડ બનાવતો ત્યારની વાત છે. કેવી રીતે સુંદર આકર્ષક સાઇન બોર્ડ બનાવવા તેનું હું હમેશા મનોમંથન કરતો. તેના માટે બીજા સાઇન બોર્ડ જોવા પડે. કઇંક અલગ કરવા તેમાં કંઈક થોડું ઉમેરવું પડે. રાત્રીના સુતા સુતા કંઈક વિચારવું પડે. શા માટે?. કારણકે બીજા ચિતારા સામે ટકી રહેવા માટે આ બધું કરવું પડે.

          આ માટે આયોજન ખુબ જ જરૂરી છે. સફળતા મેળવવા આયોજન  અનિવાર્ય  છે. સાઇન બોર્ડ ની શરૂઆત ક્યાંથી કરવી? બેક્ગ્રૌંડા માં કલર કયો મારવો. અક્ષર ના વળાંક કેવા બનાવવા? કેવો લોગો બનાવવો? આવી બે-ત્રણ આકૃતિ મનમાં બનાવી તેમાંથી એક પસંદ કરવી પડે. અને ત્યાર બાદ શરૂઆત થાય સાઇન બોર્ડ બનાવવાની. બોર્ડ બનાવતા કમસે કમ બે-ત્રણ દિવસ તો થાય જ  કારણ કે સારું કામ કરવું હોય. ચાર-પાંચ

દિવસ પછી તેનું મહેનતાણું ૩૦૦ થી ૪૦૦ રૂપિયા મળે.

                     એક બોર્ડ પાછળ કેટલી મહેનત, કેવું આયોજન. પરંતુ આપણે જે રોજ કામ કરવાનું છે. તેનું કશું જ આયોજન નહિ. રોજ મશીન ની જેમ જવાનું.આવવાનું અને કામ કરવાનું. પરિણામે પરિણામ કશું જ મળતું નથી.બહારગામ જતી વખતે  આયોજન ના અભાવે બસ પણ ચુકી જવાય છે.ખુબ જ હેરાન થવું પડે છે.બીજા કામ પણ સમય મળવા છતાં આયોજન ના અભાવે થઇ શકતા નથી.

                  કોઈ પણ કાર્ય આયોજન થી કરવાથી તેમાં આપણે ચોક્કસ સફળ થઈશું જ..................! 

PAINTER